Quantcast
Home » Cebu Daily News » Opinion
Salins Hulbot

Inyo ra nang 2012

First Posted 08:53:00 10/13/2009

  • Reprint this article
  • Send as an e-mail
  • Post a comment
  • Share
Advertisement

Gisaput na ang mga sakop sa Maya tribe sa America sa pagpunay og pangutanan sa mga puti kon mahuman ba gyud ang kalibutan inig ka tuig 2012.

Miingon ang mga Maya nga wa sa ilang kultura ang end of the world nga scenario. Ang mga Kristinaos ra kuno ug ang mga westerner ang hilig kayo niini.

Diha man gud gakigan ang mga kulbakulba nga pangagpas sa usa ka Monument stone tablet nga nakit-an pag construct og usa ka highway sa Mexico niadtong dekada 60. Napatik niadtong stone tablet ang katapusang pitsa sa Mayan Calendar nga December 21 2012 ug mihisgut kini ug pagkanaog gikan sa langit ni Bolon Yokte, ang ginoo sa gubat ug pagmuna sa mga Maya.

Ang nakapadugang sa pusta sa mga doomsday freaks mao nga ning tuiga maglinya usab ang mga planeta, maglaray paingon sa adlaw. Ang mga electro magnetic chuva sa mga planeta posibling maka-apektar sa kalibutan nga gawas sa mga linug ug tsunami posibling matuwad ang kalibutan: Ang Norway, Iceland ug NorthPole ari nas lugar sa South Pole ug Australia. Ug tungod ning sinigbing pagtuwad mangamatay ang tanang binuhat sa kalibutan.

Ug ang pitsa ning maong alignment? December 12, 2012.

Ang laing pang padugang sa pusta mao nga dunay mga sekritong kasayuran ang mga Maya kabahin sa pagusab sa angle sa orbit sa Kalibutan matag tuig.

Nagkanayon ang karaang tribo nga way nasulat sa Monument 6 nga matapos ang kalibutan. Gani duna pa may laing tuig tuig didto nga napatik -4772.

Gawas nga di motuo ang mga sakop sa tribo nga Maya nga mahuman ang kalibutan inig ka 2012 wa sila manumbaling niini kay daghan silang inadlawadlaw nga problema nga giatiman sama sa ulan.

Apan kay lagi nagagikan man kanila kadtong Monument 6 mao sila kanunay ang hasion sa mga natrantar sa mga pakulba nga asoy. Daghan na kunong mga bata nga misulat sa internet nga di pa sila gusto mamatay inig 2012.

Giingon nga mas modaghan pa ang mohasi sa mga Maya sunod buwan kay ipasundayag man sa Hollywood ang pelikulang 2012. Usa ka eksena ning maong pelikula mao ang pagalsa sa tsunami og usa ka aircraft carrier nga iyang gilambus sa White House.

Mao tingaling gadalidali ang Nobel paghatag kang Obama sa Peace Prize kay basig mhuman na unya ang kalibutan inig 2012. Apan kon gi-ingon nga time of transformation and renewal ang 2012 basig mausab ang baruganan ni Obama sa same sex marriage ug nga iya na kining tugutan. Sa ato pa mga nirampahay ang mga bading inig 2012.


blog comments powered by Disqus

  • Print this article
  • Send as an e-mail
  • Most Read RSS
  • Share
© Copyright 2014 INQUIRER.net. All rights reserved. This material may not be published, broadcast, rewritten or redistributed.