Close  
Super Hirit

Si VPS maoy haom pagka-Ombudsman

Kinsa si VPS nga maoy akong pambato pagka Ombudsman? Siya mao si Virginia Palanca-Santiago kinsa maoy atong kasamtangang Visayas Assistant Ombudsman.

Sa mga naka-ila kaniya di ko maglisud pag-introduce ilabina sa legal profession.

ADVERTISEMENT

With all due respect sa mga nangambisyon dinhi sa ato nga intresado sa maong katungdanan, akong nakita nga si Ma’am Virgie maoy tukma nga tawo nga makahupot ni’ng maong puwesto tungod kay di gyud makuwestiyon ang iyang integridad ug kredibilidad gawas sa iyang ka lantip sa panghuna-huna ug kaisog. Wa sab siya mag-apil-apil sa duwa sa pulitika.

Kun seryoso ni’ng pamunu-an ni Presidente Noynoy Aquino paglimpiyo sa Anti-Graft Office, maayo tingali nga ilang tutukan si Ma’am Virgie tungod kay anaa kaniya ang tanang hiyas sa usa ka Tanodbayan.

FEATURED STORIES

Wa gyu’y ayo kini’ng nanggawas nga balita karon nga ang mopuli ni resigned Ombudsman Merciditas Gutierrez usa ka tawo nga ligdong apan nakasulod sa pulitika ug gani usa ka incumbent congressman.

Alang nako panahon na tingali nga usa na sab ka Sugbuanon/Bisaya ang makahupot sa maong katungdanan nga naglikay-likay sa tabang sa mga pulitiko pag-angkon ug katungdanan sa gobyerno sukad pa kaniadtu.

* * *

Niadtong miaging simana ako’y nangunay pagpa-renew sa rehistro sa usa sa mga motorsiklo sa GMA-7 Cebu ngadto sa Land Transportation Office (LTO) dinhi sa dakbayan sa Sugbu.

Ngan nga di ko gusto’g palusot akong naagi-an ang tanang legal nga proseso sama sa pagpa-emission testing, pagpa-ubos sa inspection sa unit didto sa Motor Vehicle Inspection Center (MVIC) sa Subangdaku Mandaue ug ang paglukat sa insurance.

Apil na ang paglinya sa pagsometer sa tanang requirements ug ang pagbayad sa legal fees ug ang pagpaabot sa ma-isyu nga sticker.

Didto sa MVIC akong nasaksihan ang kaguba sa ilang equipment nga maoy mo-inspection sa ligid sa motor kay matud pa gipangkit-kit ug mga ilaga ang wirings sa ilawom. Gawas niini akong nahibaw-an nga duna pay daghang facilities nga depektoso na gyud sumaa pa sa mga personnel didto.

ADVERTISEMENT

Naproblema usab karon ang mga personnel sa LTO dinhi sa dakbayan sa Sugbu kay nahutdan sila ug sticker og gani pabalikon pa ang mga nagpa-renew sa petsa 15 ni’ng buwana pagkuha sa sticker.

Akong gipaabot kini’ng maong mga problema ngadto kang LTO-7 Director Raul Aguilos. Iyang gi-angkon kining tanan ug mipasabot nga ang ilang ulohang buhatan maoy makasulbad niini.

Sa mga equipment sa MVIC iyang giingon nga ang mga technical personnel lang sa DOTC ug ilang kontraktor sa Manila ang maka-ayo.

Sama sa problema sa kakuwang sa sticker mag-agad gihapon sila sa LTO Manila.

Ang mga personnel sa MVIC miingon kanako nga sobra tuig na ang problema sa pagkapalyado sa mga equipment.

Nagpasabot ba kini sa pagka-inutil sa liderato ni Aquilos?

Kun guba ang mga equipment sa MVIC nganong hasolon pa man sa taga LTO ang publiko pagpa-adto sa MVIC nga madala ra man ug mano-mano nga inspection ang mga sakyanan?

Ultimo ang mga comfort room sa MVIC nga bag-o pa kaayo, nahurot na’g kaguba unya way tubig. Unsang klaseng opisina sa gobyerno? Paka-uwaw lang sa mga tax payers ngan nga usa man unta ka income generating ang LTO.

* * *

Usa ko sa nalipay nga nakuha ug napatay na gyud si Osama bin Laden ang most wanted sa tibuuk kalibutan nga terorista ug maoy founder al-Qaida Network.

Kun buot-huna-huna-on di pa gyud makabayad si Bin Laden sa mga kabanay niadtong iyang gipa-ulbo nga twin tower sa World Trade Center sa New York City niadtong Sept. 11, 2001.

Bisag tagud-taguron pa ang patay’ng lawas ni Bin Laden di pa gihapon siya makabayad sa mga nakalas.

Tinuud nahulga kita sa posibleng panimawos sa mga kaalyado ni bin Laden apan ang gihimo sa America pagpatay kaniya usa ka lig-ong mensahe batok sa mga terorista ilabina sa mga sakop sa Abu Sayyaf sa Mindanao.

Read Next
LATEST STORIES
MOST READ
Don't miss out on the latest news and information.
View comments

Subscribe to INQUIRER PLUS to get access to The Philippine Daily Inquirer & other 70+ titles, share up to 5 gadgets, listen to the news, download as early as 4am & share articles on social media. Call 896 6000.

TAGS: Acts of Terror, Government offices & agencies, Graft & Corruption
For feedback, complaints, or inquiries, contact us.


© Copyright 1997-2019 INQUIRER.net | All Rights Reserved

We use cookies to ensure you get the best experience on our website. By continuing, you are agreeing to our use of cookies. To find out more, please click this link.