Thursday, October 18, 2018
Close  
  • share this
Salins Hulbot

Happy fiesta, Mandaue; good-bye, Lakers

/ 10:13 AM May 10, 2011

Buot unta nakong itandi ang dinuwaan ni Derek Fisher sa Los Angeles Lakers sa kinabuhi ni Senyor San Jose nga maoy patron sa dakbayan sa Mandaue nga gasaulog sa ilang pista.

Dili kining maong pagtandi panglawgaw sa sagrado kay ang buot ko lang ipakita mao ang kamahinungdanun sa hilom nga trabaho ug pagdawat sa papel sa kinabuhi diin ang tapisik lang sa mga pasidungog ang imong madawat. Daw nakuha man gud ni Fisher ang birtud sa pagkamapahiubsanon nga maoy kinaiya ni San Jose.

ADVERTISEMENT

Gani matandi ta man ang sugilanon sa “Lord of the Rings” sa kinabuhi ni San Jose diin ang pagka way ambisyon sa gahum, ang pagka way garbo maoy kinahanglan sa pagbantay sa pinakamahinungdanon nga singsing.

Hunahuna-a ra gud nga ang anak sa Ginoo (nga mao ra sab mismo ang Ginoo) ug ang iyang inahan gitugyan diha kanimo. Lisud man gani hunahunaon nga ang anak ni Kris Aquino anha ibilin sa inyoha.

FEATURED STORIES

Ingon usab ang paggalam ni Fisher sa singsing sa Lakers bahala nag mas importante alang sa tanan silang Pau Gasol ug Kobe Bryant.

Nindot unta kining isuwat apan naunsa man gi-sweep man ang Lakers sa Dallas Mavericks. Gi-trap nila si Kobe sa defense ug mipauwan silag tres sa opensa sa ilang katapusang duwa diin giayo nilag lampaso ang Los Angeles nga ilang gilubong og 36 puntos 122-86.

Katapusan kadtong pag-coach ni Phil Jackson nga ang kansang style sa pagda sa team gi-ingon ni Kobe nga “Zen BS.” Ug kay ang duwa sa Lakers gatuyok man ni Kobe, basin pangayuon niani nga buwagon na ang mga 7-footers nga sila ni Gasol ug Andrew Bynum. Ug basin pailisan na niini si Fisher nga sa batang edad nga 37 anyos tiguwang na alang sa NBA.

Ug kun mahitabo kini, andam si Fisher nga modawat niini sama sa usa ka trabahador nga dili molalis sa architect ug engineer. Sama kang San Jose nga mahilumong mi-exit pagkaulitawo na ni Kristo.

Ug karong pista ni San Jose nga gitawag og Patron of the Workers, saulogon nato ang hilom nga kugi nga wa mangayog premyo ug pasidungog. Sa theme song pa sa Spiderman sa TV niadto: “Action is his reward.”

ADVERTISEMENT
Read Next
Don't miss out on the latest news and information.
View comments

Subscribe to INQUIRER PLUS to get access to The Philippine Daily Inquirer & other 70+ titles, share up to 5 gadgets, listen to the news, download as early as 4am & share articles on social media. Call 896 6000.

TAGS:
For feedback, complaints, or inquiries, contact us.
entertainment

How Andi has found the ‘best version’ of herself

October 19, 2018 12:40 AM

opinion

Politics is our maelstrom

October 19, 2018 12:30 AM



© Copyright 1997-2018 INQUIRER.net | All Rights Reserved

We use cookies to ensure you get the best experience on our website. By continuing, you are agreeing to our use of cookies. To find out more, please click this link.