Quantcast
Home » Cebu Daily News » Opinion
Super Hirit

Gubot pas lukot ang ANAD party-list

First Posted 10:46:00 05/31/2010

  • Reprint this article
  • Send as an e-mail
  • Post a comment
  • Share
Advertisement

Init kaayo ang diskusyon niadtong Sabado sa among programang ?Dialogue On The Air? sa dySS Super Radyo kabahin niining isyu karon sa Alliance for Nationalism and Democracy (ANAD) party-list nga nag-inilogay kun kinsay molingkod sa Kongreso nilang Congressman Pastor ?Jun? Alcover ug Customs Collector David ?Boy? Odilao.

Tungod kay among gitratar nga sensitibo kaayo ang isyu ug aron paglikay sa kagubot, among gibuwag ang venue sa isig ka habig.

Sa among announcer?s booth (dySS studio), uban kanako si Boy Odilao.

Didto sa ANAD Headquarters, nag-set-up mi sa among broadcast equipment aron adto sab magmanukad ang mga kauban ni Rep. Jun Alcover nga sila si Engr. Greg Seneneng, Alemar Alcover anak ni Jun Alcover, ug uban pang mga sakop ug mga opisyales sa ANAD.

Ang kasamtangang kongresista wa maka-apil sa diskusyon kay atua sa Manila ga-atang-atang sa proclamation.

Puwerte gyung inita ug hapit manglusot ang kumo sa microphone tali nilang Seneneng ug Odilao.

Samtang nagpadayon mi sa among programa, na-alarma ang among mga guwardiya sa GMA-7 complex kay dihay mga tawo ni Alcover nga nag-rally batok ni Odilao ug buot mosulod sa complex.

Nagpasalamat lang sab ko ni Cebu City Police Director S/Supt. Patrocinio Comendador nga paspas kaayong nakapadala sa taga Mobile Patrol Group ug sa taga Mabolo Police Station nga maoy nakapakalma sa mga raliyesta nga nagbit-bit og mga placards nga nagsaway ug nagkondenar ni Odilao.

With all due respect nilang Alcover ug Odilao, insakto kaayo ang mga negatibong komentaryo pinaagi sa text gikan sa mga naminaw nga way labot sa ANAD nga nagkatawa karon ang mga rebeldeng NPA.

Ang uban nagmahay kun nganong mibotar pa sila sa ANAD ug dunay mikuwestiyon kun nganong gi-awayan pa gyud kini. Tungod ba sa kuwarta (pork barrel)? O gumikan sa kahakog sa gahum?

Naglaum ko nga dunay reconciliation nilang Alcover ug Odilao aron dili mapagan ang tibuok organisasyon ug makapadayon sila sa ilang kawsa ug krusada.

* * *

Congratulations sa akong ?Alma Mater? nga mao ang University of San Jose-Recoletos (USJ-R).

Dili basta-basta ang kalampusan sa upat ka mga estudyante sa USJ-R nga nanghawod sa duha ka managlahing licensure examinations.

Sa Certified Public Accountant Licensure Examinations, si Gecel Gabucan Codera maoy first place. Si Nio Martin Arcenal Juntong maoy ika-third place, samtang sixth place si Mark Solatorio. Sa Teachers Licensure Examination, naka-second place ang laing tinun-an sa USJ-R nga si Englevert Pongan Reyes.

Ako sang i-congratulate sila si Rene Boy Monsida Lebores sa University of Cebu nga parehas silang Solatorio nga sixth place sa CPA Board ug si Ritchie Zanoria Tejana sa University of San Carlos nga naka tenth place sa CPA Board.

Ang top one nga si Gecel Codera nga akong na-interview sa among programa sa dySS miingon nga ang iyang sekreto mao ra gyud ang pagkugi ug tuon. Matud niya nga inay magsige og laag ug lakwatsa nga way tumong, mas maayo pa nga magpundo sa bay unya magbasa.

Saludo ko sa iyang ka-humble. Wa siyay panagana nga mihatag sa iyang kasinatian sa kalisud sa panginabuhi sa ilang pamilya.

Ang kasinati-an ni Gecel naghatag og proyba nga di na kinahanglan nga adto pa-eskuwelahon ang mga anak sa mga mahalon ug mga exclusive schools kay didto ra siya nag-elementarya ug nag-high school sa Busay nga pulos public.

Sa garbo ug dungog nga natampo ni Gecel sa USJ-R, way plano ang school administration nga mohatag kaniya og cash incentives o mahalon nga butang sama sa sakyanan? O ba kaha house and lot?


blog comments powered by Disqus

  • Print this article
  • Send as an e-mail
  • Most Read RSS
  • Share
© Copyright 2014 INQUIRER.net. All rights reserved. This material may not be published, broadcast, rewritten or redistributed.