Home 
Daghang gihilasan ni Cebu City Councilor Augustus ?Jun? Pe niadtong sunog sa panimay ug pagka-paig nila ni Atty. Manuel Barrios Pastrana, sa iyang asawa ug sa ilang katabang diha sa Banawa Guadalupe niadtong sayo?ng kadlawon sa adlaw?ng Huwebes.
Ang gikalagutan sa mga pulis nga mi-report kanako kay pasagad lang ug pangasaba si Jun Pe ug mora?g kinsa?ng hawoda ngadto nila?ng mga pulis ug sa mga bombero.
Unya matud pa hubog kaayo si Jun Pe niadtong higayuna.
In fairness sa konsehal nga nakuhaan ug habig sa akong mga kauban medyo iyang gihimakak nga hubog siya ug iyang gipasabot nga napungot lang siya niadtong tungura kay mi-insister ang mga fire fighters ug driver nga dili ipa-abante ang ilang fire-truck nga nakababag sa ubang responding fire-trucks.
Laing butang nga gisapotan sa konsehal tungod kay iyang nakita didto nga dunay bombero nga paingon nga mosulod sa panimay sa mga Pastrana nga nag-tsinelas lang ug wa mag-sul-ob ug breathing apparatus.
Kun tinuud man kining pasangil ni Jun Pe mas maayo sab tingali?ng susihon kini nila ni Cebu City Fire-Marshal Esmael Codilla.
Pero in fairness sa mga bombero ug sa kapolisan di sab tingali sila masipyat pag-ila ni Jun Pe nga hubog niadtong higayuna kinsa naka-himo sa pag-pang-insulto kanila atubangan sa publiko nga daku kaayo ug tingog.
Ang ako lang, mas maayo nga kun magpakabana si Pe dili siya magpasulabi nga maka-misinterpret. Dili ba gud puwede nga hinayon ang estorya ug pasabton sa iyang ponto?
Basig nagtoo ang konsehal nga siya na?y fire-marshal gikan sa iyang pagpaka-aron ingnon kaniadtu nga hepe sa kapolisan.
* * *
Puwerte gyu?ng nakatago sa impormasyon sa atong mga kadagkuan sa kapolisan ilabina sa R2 Division sa Intelligence Section diha sa Police Regional Office bahin sa nahitabong pag-kidnap sa usa ka negosyante nga si Jordan Chua.
Hinoon nakasabot ko sa ilang trabaho nga mipatuman sa ?confidentiality? aron way palpak.
Ang impormasyon nga didto gi-kidnap sa Barangay Dulao Bago City sa Negros Occidental apan diha sa dakbayan sa Toledo gituhu-an nga na-rescue ang biktima human mibayad ug daku?ng ransom ang kabanay.
Sa sirkumstansiya, nagpasabot ba kini nga mga Sugbuanon ang responsable? Nganong dinhi man sa Sugbu gi-release ang biktma?
* * *
Unsay nasud sa utok sa anak ug kapitan sa lungsud sa Tuburan nga midaro sa mga sakyanan ug mga tawo nga nanambong sa katapusang pangadye sa minatay niadtong Biyernes sa gabii sa Barangay Purtaliza.
Dili kaha adik ug hubog nga mi-drive sa Nissan pick-up si Anthony Cabintoy nga anak kang Kapitana Alice Cauli sa Barangay Colonia?
Sa iyang kalaki dunay upat ka mga kinabuhi ang nakalas ug dunay laing upat nga nanga-angol unya kasagaran sa mga biktima mga bata.
Wa gyu?y nalipay sa iyang gihimo kay siya maoy unang misibat. Unya niadto na?ng Sabado sa udto mi-surrender.
Kinahanglang ipa-ubos sa drug test ning kanahan aron masubay.
* * *
Maayo kay duna nay natudlo?ng huwes nga maoy mo-preside diha sa RTC Branch 19 gikan nga nabakante kini sulod sa taud-taud na?ng higayon dihang mi-retire si late RTC Judge Ramon Codilla.
Akong mga kasaligang tinubdan sa Palace of Justice mitug-an nga ang natudlo mao si Atty. Wilfredo Navarro.
Maglaum ko nga maka-arangkada na ang mga kaso diha ug matagbaw na ang mga litigante nga nagsige?g reklamo sa kadugay pagbutang ug huwes diha sa RTC Branch 19.
Ang problema na sab karon mao ang RTC Branch 9 kay nabakante na sab kini karon tungod sa promotion ni Judge Geraldine Faith Econg.
Si Judge Econg gitudlo ni Chief Justice Reynato Puno pagka Judicial Reforms Program Administrator.
Manghinaut ko nga dili langay-langayon ang pagbutang ug huwes sa RTC Branch 9 kay dunay daghang kaso diha nga atimanon.
Ako diay?ng i-congratulate si Judge Econg niining iyang bag-ong puwesto karon sa Korte Suprema.
Ha-om gyud kaayo siya niini isip liaison officer sa mga partners sa judiciary ug alang sa mga dagku?ng proyektu nga ipatuman.
