Home 
Mag-usa na ka simana sukad nibuto ang isyu ni Police Supt. Vicente Merzan Premne nga mi-rescue sa pito ka mga sakyanan nga gidudahang mga smuggled vehicles diha sa pier 5 apan hilom pa tirana ang opisyal.
Sukwahi kaayo ang actuation ni Premne sa maong pasangil kun di kini tinuud. Iyang obligasyon ang paglimpiyo sa iyang pangan atubangan sa publiko.
Unsay iyang rason sa padayong pagpakahilom sa alegasyon sa tulo ka mga CIIS agents sa Bureau of Customs? Naghan-ay pa?g mga depensa?
Wa siya?y ikatubag kay tinuud ang pasangil nga siya nang-harass sa mga agents nga misuway pagpanukiduki sa dokomento sa mga sakyanan nga naka-consign sa usa ka Manuel Velayo?
Kun dili pa mga hot cars kadto kinahanglan pa ba nga siya mag-full battle gear nga daw sama?g Rambo ug kalit nga mibutho didto sa pantalan pag-rescue sa mga sakyanan nga under surveillance nga gisakay sa MV Asia China sa Trans-Asia Shipping Lines?
Nagpasabot ba kini nga si Premne protector na sa mga smuggler nga kontra sa gobyerno?
Unsa may gilangayan ni District Collector Ronnie Silvestre pagtaral ni Premne? Nadala sa sabot-sabot?
Maglaum ko nga imbestigahon kining maong opisyal kay gibaylo ang pag-risgo sa iyang profession.
Andam siya?ng mipaka-ulaw tungod kay mas daku pa siya?g madawat isip protector ikomparar sa retirement package sa PNP?
* * *
Alang nako mas maayong mopatuman ug total ban ang gobyerno sunod tuig sa mga fire-crackers ug pyrotechnic subay sa nahitabo diha sa dakbayan sa Mandaue ug sa General Santos City nga namatyan ug tag-tulo ka mga vendors gumikan sa disgrasya pag-testing.
Kun duna may total ban kinahanglang sayohon kini pag-implimintar aron dili mahinayak ang mga tiggama pagbubu ug puhunan.
Kun langayon ang pag-impose ug total ban, malooy sab intawon ta niadtong mga manufacturers nga mapasubo.
Bisan si Cebu City Fire Marshall Esmael Codilla uyon na nga i-ban ang pagpang-gama ug mga fire-crackers aron way kinabuhi nga mamiligro.
Si FO3 Cipriano Codilla fire-investigator sa Mandaue City Fire Department nga maoy nag-imbestigar sa nahitabong pagkasunog sa mga stalls mitug-an nga sayop gyud kadto sa mga naninda kay gihimo?ng puy-anan ang ilang mga stalls nga dili gyud kini puwede ug ang pagsugo sa ilang mga anak nga mga minor de edad sa pagpaninda.
Midugang si FO3 Codilla nga basi sa sirkumstansiya kadtong tulo ka mga biktima nga gilangkuban sa usa ka ginang ug duha ka mga bata nga nakalas pulos kadto nakatulog nga maoy hinungdan nga wa maka-gawas pagbuto-buto sa mga tinda nga mga fire-crackers.
Alang nako mas sadya pa nga mobalik kita sa kinaraan pagsugat sa Pasko ug Bag-ong Tuig nga mogamit lang kita ug lantaka, torotot, tabon sa kaldero, lata ug uban pa nga makamugna ug kasaba.
* * *
Makapadismaya kaayo kining mga balita nga hangtud karon naa pa?y mabiktima sa mga stray bullets mugna sa mga iresponsable?ng mga gun holders.
Nidtong pagsugat sa Pasko, dunay duha ka mga biktima nga na-igo sa mga saag nga bala dinhi sa dakbayan sa Sugbu basi sa gi-relay nga report sa Department of Health ngadto kang Cebu City Police Director S/Supt. Patrocenio Comendador.
Gawas dinhi sa ato, duna say bata nga biktima didto sa dakbayan sa Talisay.
Nahug ra gihapon nga inutil kining mga panawagan ug apelasyon namo sa media ug sa taga gobyerno nga di gyud magpaboto sa armas.
Mas maayo tingali nga ang himoon nalang sa kapolisan ug sa media mao nga magtinabangay ug demonstrate kun unsa-on pagpaboto sa pusil nga way kinabuhi?ng marisgo.
Sa akong ubos nga matampo gamiton nalang ang sentido common niining mga mahiligon sa armas.
Kun lami gyud nila ang pagpabuto ug armas ilabina niining pagsugat nato karong Huwebes sa Bag-ong Tuig mas maayo tingali nga adto ipunting direkta sa yuta ug dili adto sa langit nga posibleng maka-unay sa nagpa-boto o ba kaha sa iyang mga sakop sa pamilya.
Dili man tinuud malikayan kini?ng inom-inom sa pagsugat apan kinahanglang ang inom ibutang gyud sa tiyan.
