Home 
Alang gani nako uwahi na kaayo kini?ng pagdeklarar ug martial law ni Presidente Arroyo didto Maguindanao ug pagpakig-batok sa pamilyang Ampatuan nga maoy mga responsable sa Maguindanao massacre.
Pero maayo nalang kay duna gyu?y nahimo ang gobyerno sama sa pagtaral sa mga responsable ug pagsakmit sa daghang mga armas, mga bala ug ubang mga kahimanan sa pakig-gubat.
Laksot kaayong paminawon nga mahimong inutil ang gobyerno ilabina ang puwersa sa militar ug kapolisan pagsignit sa mga Ampatuan nga gituhuan nga dunay grand conspiracy pag- massacre sa 57 ka mga inosente?ng kinabuhi nga sagad among mga kauban sa media.
Niadtong mga unang adlaw nga medyo nagpakita ang Malacañang sa kaikog pagdakop sa mga Ampatuan gumikan sa political alliance, nakadawat ug mga negatibong pagsaway si Presidente Arroyo.
Karon nga gipakita ang ngipon sa balaud, angay lang sab nga suportahan sa katawhan ang iyang declaration sa martial law sa Maguindanao.
Imposible nga mahitabo kining mga kabalaka sa taga oposisyon nga pahimuslan ug abusuhan ang higayon ug nang-akusar nga palapdan ang deklarasyon sa martial law sa tibuuk nasud.
Kining maong mga pagtoo maoy overkill ug overreaction. Unsa may gusto ni?ng mga nanaway sa declaration sa martial law? Unya na molihok ang gobyerno kun lisud na?ng pugngan ang mga binuhi?ng berdugo sa mga Ampatuan?
* * *
Pabor kaayo sa mga kuwartahan nga mga politiko ang bag-ong desisyon sa Korte Suprema nga nagbaraw sa COMELEC pagpa-disqualify ni Mayor Rosalinda Penera sa Santa Monica Surigao Del Norte.
Ang COMELEC kaniadtu mi-disqualify ni Mayor Penera tungod kay nakalapas kini sa ?early campaigning? buot ipasabot nga gipa-disqualify siya tungod kay nangampanya ug sayo bisag dili pa campaign period niadtong 2007 nga eleksiyon.
Sa desisyon, ang Korte Suprema mipasabot nga wa pay election offense kadtong naka-file na ug certificate of candidacy unya nangampanya sa panahon nga dili pa campaign period kay di pa ma-consider nga siya kandidato sama ni Mayor Penera.
Buot ipasabot nga kining mga naka-file na ug CoC?s nga seryoso sa ilang kandedatura dili gyud mabadlong sa COMELEC ug dili gyud mataral bisag magpa-imprinta pa kini sila ug dagku kaayong tarpaulin pag-promote sa ilang paglansar.
Matud pa ni Atty. Marchell Sarno election officer sa Cebu City North atul sa among programa?ng ?Dialogue on the Air? nga wa gyud sila?y mahimo kay desisyon sa Korte Suprema.
Apan mipasidaan siya sa mga politiko nga kun mohimo man ug mga dagku?ng campaign materials kinahanglang ilang tangtangon sa buwan sa Marso sugod sa campaign period kay usa kini sa basihanan pagpa-disqualify.
Sa habig sa kapolisan, agig pag-pangandam sa umaabot nga eleksiyon, sila si S/Supt. Jesus Gacquing director sa Cebu Provincial Police Office ug Supt. Pablo Labra II sa Cebu City Police Office mitug-an nga andam na kaayo sila.
Gawas nga gi-intensify ang training sa kapolisan, mohimo usab sila ug subsob nga mga check-points.
Usa sa gi-estudyuhan karon nila ni S/Supt. Gacquing mao ang pag-revamp sa mga hepe sa kapolisan sa kalungsuran aron dili madudahan nga atua mopabor sa mga politiko nga maoy kasamtangang naglingkod.
Apan sa kabahin sa Cebu City Police Office, gipasabot ni Supt. Labra nga di na kinahanglan nga maglahugay dinhi sa dakbayan sa Sugbu tungod kay ang mga politiko dinhi sa dakbayan dili gyud manggawong nila?ng kapolisan.
Samtang dili sab diay sayon sa mga politiko nga mokuha ug police escorts. Hatagan lang sila ug duha ka mga escorts kana kun positibo gyud nga delikado ang kinabuhi sa maong politiko.
* * *
Kining nahitabo ni Msgr. Joseph ?Jojo? Dosado sa simbahan sa San Vicente Ferrer sa dakbayan sa Bogo nga mi-bendeta sa mga campaign materials nila ni Mariquita Salimbangon Yeung mahug kini sa sikat na kaayo nga komedya bahin sa patay?ng iro.
Segun sa maong komedya, dihay usa ka milyonaryo nga gusto niya?ng pa-bendetahan ang patay niyang iro sa ilang kura paruko.
Iyang gisugo ang boy pagdala sa iro didto sa simbahan. Ang pari nibalibad kay di gyud mahimong bendetahan ang patay nga iro.
Apan dihang misugilon ang boy nga dunay daku?ng kuwarta nga gipadala ang iyang amo, miingon ang pari nga: ?Ari be, pagkadugay sab nimo?ng mitug-an nga romano katoliko diay kini?ng iro-a?. Hehehehehe.
* * *
Nalingaw sab ko nilang kongresista Nerisa Soon Ruiz ug Mandaue City Mayor Jonas Cortes nga mag-tigi sa pagka-mayor diha sa Mandaue kay ultimong kabayo ni Jonas nga nakabuhi ug didto paingon sa bay sa kongresista miingon si Inday Neri nga ultimong kabayo atua na niya mitapon.
Apan gitubag sab ni Mayor Jonas nga wa motapon ang iyang kabayo kay ang tinuud misulong ang iyang kabayo ug gipangsikad-sikaran ang laguerta ug mga tanom sa kongresista. Pagkatoytoy! Hehehe.
