Home 
Unsay buot ipasabot sa pamilyang Ampatuan nga mi-hire ug 40 ka mga abogado pagdepensa alang kang Datu Unsay Mayor Andal Ampatuan Jr. nga maoy gitumbok nga mastermind sa Maguindanao Massacre?
Nagkahulugan ba kini nga sad-an gyud ang mayor ug ubang sakop sa banay?ng Ampatuan pag-masaker sa dul-an 70 nga mayoriya sa mga biktima mga sakop sa media?
Nganong ingon ani man kadaghang mga abogado ang ilang gikuha kun inosente gyud sila? Dili daugon ang kaso sa padaghanay ug mga abogado. Guilty sila?
Gipakita sa mga Ampatuan sa tibuuk kalibutan kun unsa sila ka impluwensiyado ug pagka-kuwartahan?.
Ang ordinaryong tawo nga nag-suweldo ug labaw gamay sa minimum maglisud gani pagkuha ug abogado panahon nga kasohan ug adto sa Public Attorney?s Office magpakitabang sa iyang kaso.
Nagpasabot kini nga nagbaha ang kuwarta sa mga Ampatuan. Unsa may nakapa-adunahan nila?
Wa ko kasabot kun nganong ingon ani sila ka datu. Puwerte?ng ngilngiga kay nakapalit ug duha ka mga tangke de gira, nakapalit ug daghang tag-as nga mga armas ug nakatinir ug daghang private armies.
Unya kun imong tan-awon ang Maguindanao usa sa mga pinaka-pobreng probensiya sa Pilipinas.
* * *
Nasobrahan ang pagka-defensive ni ARMM Gov. Zaldy Ampatuan sa isyu.
Duna bay namasangil nga ang tanang sakop sa pamilyang Ampatuan lakip na ang ilang gagmay?ng mga bata dunay kalambigitan sa krimen?
Wa ko makadungog nga dunay tuno sa mga komentaryo nga ingon ani.
Nakasabot ko sa mensahe ni Gov. Zaldy Ampatuan nga dili magpasagad ang gobyerno paglambigit sa ubang sakop sa pamilya?ng Ampatuan sa massacre.
Apan alangan man sab nga magpabiling gawasnon ang ubang miembro sa pamilya taliwa nga dunay mga direct testimony nga maglambigit sa ubang Ampatuan sa linoog kaayo?ng krimen.
Nakapanglipagho ko sa bag-ong kalambuan nga dunay konklusyon sa mga forensic experts nga daku ang posibilidad nga gipangpusil ug apil ang mga kinatawo sa mga babaye?ng biktima sa mga responsable.
Ingon ani sila ka yawan-on? Gi-apil pa ang pribadong parte sa lawas nga sagrado?
Nagpa-ila lang gyud kun unsa ka mga salbahis.
* * *
Dili ko motoo nga taga media ang mibuno ni Press Secretary Cerge Remonde dihang misaka kini sa entablado sa mga nag-rally sa Mendiola Bridge niadtong Lunes nga mikondenar sa ?Maguindanao Massacre?.
Kun mga sakop sa media man kadtong mga responsable, posible nga wa maka-ila sa Sugbuanong Press Secretary nga usa ka soft-spoken.
Bilib lang ko ni Remonde nga naka-control pa sa iyang kaugalingon ug wa mogamit sa gahom pagpadakop niadtong mga responsable.
Apan leksiyon sab to niya ug sa ubang mga opisyal sa Malacañang nga di nalang gyud motambong kun dunay mga rally nga ingon ani ilabina nga init pa kaayo ang isyu.
Ang nahitabo?ng pagbuno ni Remonde nagpakita lang kadto kun unsa ka daku ang kahi-ubos sa kinabag-an sa kahinay sa gihimo sa Malacañang ug ang kapakyas pagpadakop sa mga Ampatuan.
* * *
Nindota gyud unta?ng paminawon kun way isyu sa corruption ug pagpanikas si presidente Arroyo unya mosakripisyo nga mag-kongresista sa 2nd district sa Pampanga.
Pagkabililhon unta sa iyang pagka-babaye nga magpaubos ug ranggo tungod lang sa gugma sa serbisyo.
Pagka-lami kaayong paminawon nga wa siya?y hidden agenda ug ang iyang mga hinanib sa kongreso pag-amendar sa batakang balaud aron siya maoy mahimo?ng primero ministro ubos sa parliamentary system.
Dalaygon unta kaayo si Mrs. Arroyo kun kining iyang paglansar ug seguradong pagdaug dili tinguha nga magpabilin sa pagkagamhanan aron lisud kasohan sa iyang mga kuwestiyonable?ng transaksiyon.
Apan bisan unsaon ug huna-huna, klaro na kaayo ang padulngan sa motibo ni PGMA.
Ginoo nalay mag-igo niining iyang pagka-way delicadeza.
* * *
Medyo init na sab kining pulitika sa ika-upat nga distrito kay mag-return bout sila si kongresista Benhur Salimbangon ug Tining Martinez karong 2010 elections.
Maglaum ko nga wa nay sakop sa media nga mabukbukan sa kampo sa mga Martinez.
Maayo unta nga responsable na ang atong mga politiko ug mga supporters nga dili unta nila apilon ang mga sakop sa media sa ilang away sa politika nga igo ra?ng mo-cover.
Manghinaut sab ko nga wa nay mahitabong linabayay ug mga bato sa habig sa mga Salimbangon.
Kaniadtu nagubot ang eskontenyo diha sa Kapitolyo kay mi-ataki sila si Benhur batok sa taga Comelec.
Mag-ampo sab ko nga wa nay taga Comelec nga ilang ipa-priso.
