Home 
Kataw-anan kaayo ang napublikar sa website sa Inquirer.net niadtong Sabado bahin sa mga personalidad nga molansar pagka-presidente sa nasud nga maoy nag-una pag-file sa ilang certificate of candidacy(CoC).
Ang pinaka-una nga naka-file ug (CoC) mao ang usa Rigoberto Madera Jr., 61 anyos, kinsa miingon nga siya nag-ranggo ug ?six-star general?.
Sa report, si Madera nagkanayon nga naaghat siya ug lansar kay dihang nag-survey ang Ginoo niadtong buwan sa October siya maoy nag-una kay ni kanhi Presidente Estrada.
Miingon si Madera nga kun molampos siya, ang sunod niya?ng himoon mao ang pagpuli niya kang U.S. President Barack Obama ug nagtinguha usab siya nga langkaton ang pagka Secretary General sa United Nations ug buot siya?ng mahimong ?emperor? sa Pilipinas.
Gawas ni Mr. Madera duna sa?y usa ka physics instructor nga gusto?ng mag-presidente ug migamit sa angga gikan sa comic book nga AtomGilTrinity.
Laing nuisance candidate mao ang usa ka taxi driver nga nag-edad ug 34 anyos nga si Wendell Lope kinsa miingon nga kun siya?y ma-presidente iyang pangayu-an ug daku?ng danyos ang Spain ug Amerika pagpa-ubos sa atong nasud sa ilang mga kamot kaniadtu.
Wa sab magpa-ulahi ang kontrobersiyal nga Atty. Oliver Lozano nga ilado na kaayo pag-file ug mga impeachment complaints nga way hinungdan. Si Lozano naglaraw nga kun siya maoy modaug iyang gamiton ang mga binawi nga mga kabtangan gikan sa mga Marcoses nga nagkantidad ug minilyon aron isulbad sud lang sa unom ka buwan sa mga problema sa insurgency, kagutom ug kakabus.
Tinuud nakatawa ko pagbasa nako sa balita, apan naguol ko kay klaro kaayo?ng pagbugal-bugal sa gobyerno kini?ng mga lakang nga ingon ani ilabina nga poll automation na kita.
Segurado ko nga kining mga tawhana dili gyud seryoso apan gusto lang gyud nila?ng mahatud ang mensahe nga nagka-way lami ang electoral process sa Pilipinas mao nga ipa-agi nala?ng ug bugal-bugal.
* * *
Nabalaka ko sa pagka-gahi?g ulo ni Filipino boxing icon Manny Pacquiao kinsa misugilon nga 100 percent na nga molansar siya pagka-kongresista sa Sarangani Province karong May 2010 general elections.
Tingali di maglisud si Manny pagdaug kay kuwartahan na kaayo siya karon.
Ang paet mao nga inig lingkod niya sa ubos bay balauranan. Ambot kun di ba siya magkamuraskat. Tingaleg mo-abot ang ponto nga bugal-bugalan nalang siya sa kongreso ug ma-usab na ang iyang pangalan ngadto na sa Pambansang Di Kama-o.
Kun gusto gyud si Manny mosulod ug pulitika mas maayo pa nga mag-mayor siya o ba kaha mag-gobernador.
Diha gud sa kongreso kinahanglan gyud nga abogado ang representante aron makapanday ug mga balaudnon ug articulate nga maka-debate ug maka-apil sa mga undanong diskusyon.
* * *
Ang kamahal sa pagpa-lisensiya ug pusil maoy usa sa mga rason sa taga Supreme Council of Datus Alima-ong sa ilang paghupot ug armas nga way lisensiya.
Apan ang pinakabug-at nga rason sa ilang national chairman nga si Vicente Gonzales Jr. kun nganong wa sila mo-submit sa PNP tungod kay ilang nasabtan nga legal na ang paghupot nila ug armas tungod sa mga katungod nila?ng mga lumad nga girekognisar sa gobyerno.
Apan ang hepe sa kapolisan sa Mandaue Orlando Uaalat ug Atty. Francisco Amit mipadayag atul sa programang ?Dialogue On The Air? nga sayop kining pagtuo nila ni Gonzales.
Bisan sa gipakita nila?ng Gonzales nga mga desisyon sa korte ug piskaliya nga nag-absuwelto sa ilang mga sakop sa illegal possession of fire-arms dili konbinsido si Atty. Amit kay dili desisyon sa Korte Suprema.
Si Uaalat mipahimangno sa mga miembro sa Supreme Council of Datus Alimaong nga mopahimolos sa amnesty program sa gobyerno hangtud karong Nobyembre 30 kay di gyud sila magpanuko sa pagpanakop.
Nakontrobersiya ang Tribal Council diha sa Jagobiao kay matud pa nang-harass sa mga barangay tanod tungod ni-anang pagkuwestiyon sa pagpuyo sa mga sakop niini nga giingong way permiso sa gobyerno.
* * *
Wa ko matinga niining estelo ni piskal Vicente Mañalac nga magsuwat-suwat dayon ug mga negatibo?ng isyu batok namo?ng mga sakop sa media panahon nga dunay mga isyu batok kaniya.
Nakatawa nalang ko sa iyang mga alegasyon batok kanako. Actually wa ko makabasa sa iyang gipang-apod-apod nga ?white paper? niadtong petsa 18 kay on-leave ko ug usa ka simana. Nakadawat nalang ko ug text nila?ng Provincial Prosecutor Pepita Jane Petralba ug akong kauban dinhi sa CDN nga si Ador Mayol.
Ambot unsay punto niya nga hasta ang opisina sa gobernador iyang gipadalhan ug kopya.
Unsa may sala intawon sa Department of Justice nga naka-hire ni Mañalac nga usa ka daku?ng badlungon?
