Quantcast
Home » Cebu Daily News » Opinion
Super Hirit

Bati’g sinogatan ang SONA

First Posted 11:01:00 07/29/2009

  • Reprint this article
  • Send as an e-mail
  • Post a comment
  • Share
Advertisement

Makapahiubos gyud kaayo nga mimahal dayon ug tag dos pesos ang presyo sa gasoline, diesel ug kerosene human mi-deliver si Presidente Arroyo sa iyang katapusan nga State-of-the-Nation Address niadtong Lunes.

Nagpasabot ba kini nga mosamot pagping-it sa kalisud ang katawhan niining nahibilin nga mga mihoras ni Arroyo?

Wa nalang gyud palabya ug usa ka simana ang pagpatuman ug oil price hike sa mga bintahoso nga mga kompaniya sa lana.

Ambot lang kun tukma ba ang tag dos pesos nga usbaw matag litro subay sa pagsaka sa presyo sa krudo sa world market. Maayo unta nga ipasusi ni Presidente Arroyo sa taga Department of Energy (DOE) ang libro sa mga negosyante ug lana.

Manghinaut ko nga tinud-on sab ni Governor Gwen Garcia kadtong iyang kiha batok sa tulo ka mga kompaniya sa lana nga mipatuman ug mas mahal nga presyo dinhi sa Sugbu itandi sa ubang mga lugar kay klaro ni?ng panaugdaug.

* * *

Dili ko makabasol sa mga kritiko ni Presidente Arroyo nga mopadayon pagpang-akusar nga may tinguha ang pangulo nga malugwayan ang iyang termino tungod kay di mawala ang pagkamadudahon sa tawo.

Dunay mga tawo nga bisag unsaon pagpasabot dili gyud makonbinse. Sirado na gyud ang huna-huna.

Mao ni?ng mga klaseha sa mga tawo nga bisag duna pa seguro?y categorical statement ang presidente nga dili na gyud molansar ug bisag mo-isyu ug statement nga supak sa pag-amendar sa batakang balaud, pangitaan gihapon ang presidente ug bikil.

Sa ako na?ng giingon sa unahan nga in fairness ni PGMA dunay daghang mga nahimo sa iyang termino. Apan dunay daghang mga kontrobersiya nga gi-atubang ilabina sa isyu sa graft and corruption.

Maayo sab tingali nga atong isilsil sa atong alimpatakan nga way perpekto?ng pang-gobyerno sukad pa kaniadtu.

Maglaum lang ko nga niining nahibilin nga panahon ni Arroyo dublihon niya pag-focus ang mga butang nga maka-ayo sa nasud ug wa nay mapulitika.

* * *

Patuga?g welga ang sector sa transportasyon niadtong Lunes nga wa gani makapiang sa dagan sa trapiko sa kinatibuk-ang dakbayan.

Puslan man unta nga magwelga sila ilang paabton ug taas nga mga adlaw aron gyud sila dunggon sa mga naglingkod.

Ang nakaporke lang sab niining mga kadagkuan sa Cebu City Hall ug sa mga kadagkuan sa Land Transportation Franchising and Regulatory Board (LTFRB) kutob ra gyud sa panghulga nga kanselahon ang prangkisa sa mga units agig pag-desiplina sa mga operators ug driver.

Sukad kaniadtu wa pa gyud ko makadungog nga dunay mga prangkisa nga gipang-cancel sa LTFRB tungod lang sa pagsalmot ug mga transport strike.

Kini maoy hinungdan kun nganong makasayon-sayon pagwelga ang mga drivers ug mga operators tungod kay way ngipon pagdesiplina ang gobyerno.

* * *

Ako?y nalooy sa akong maestra kaniadtu sa high school nga si Ma?am Emelita Ramas (Ma?am Angging) kay biktima intawon sa lipat lipat nga padayong nag-operate dinhi sa ato.

Matud niya nga mikabat ug dul-an tunga milyon ka pesos ang nahanaw sa iyang mga alahas ug ubang kuwarta.

Matud niya nga samtang nanga-on sila sa usa ka fast food chain sa uptown area kuyog sa iyang bana nga langyaw, dunay lalaki nga nagsige ug lingaw-lingaw kanila pinaagi sa pag-picture.

Apan wa lang damha nawa na ang iyang bag ug nagtoo siya nga kadtong mga babaye sa ilang luyo ka konsabo niadtong lalake nga naglingaw-lingaw kanila.

Nanawagan ko nila?ng S/Inspector Michael Bastes nga sulbaron ni?ng maong kaso sa madaling panahon kay duna nay nailhan sa photogallery.

* * *

Subo kaayo ang balita nga dunay laing radio commentator ang gipatay didto sa Surigao Del Sur.

Ang biktima mao si Godofredo Linao 49 anyos usa ka radio blocktimer sa Radyo Natin nga iya sa Manila Broadcasting Company.

Ang estorya mao nga matud pa ang biktima nagsige ug pangomentaryo sa mga politiko.

Grabe ra sab ka init ug utok ang nagpapatay kang Linao. Nganong di naman lang ikiha ug kasong libel o damages kun ang mga atake sa radyo wa na sa lugar.

Maglaum ko nga masubay sa kapolisan kun kinsa ang utok sa krimen aron maapil ug taral sa husgado.


blog comments powered by Disqus

  • Print this article
  • Send as an e-mail
  • Most Read RSS
  • Share
© Copyright 2014 INQUIRER.net. All rights reserved. This material may not be published, broadcast, rewritten or redistributed.