Home 
Mi-react si Talisay City Prosecutor Marcial Rubia sa akong column nga napublikar niadtong Lunes nga nagkuwestiyon ko kanila sa ilang kahuyang pagtaral sa kasong serious illegal detention batok nila?ng Joavan Fernandez.
Matud sa iyang text, ?Lloyd read your column today sa cdn, you should have ask our side as to what we so far have done with the case, humanly possible, instead of putting our ofis and names in bad light.?
Akong sublion akong ponto nga igo ra gyud ko nagpukaw sa ilang pagmika sa kaso.
Bisa?g moingon sila nga minor lang ang mga inconsistencies sa ilang mga testigo, apan lahi ang pagtan-aw sa huwes ug mao bitaw ang hinungdan nga nakapiyansa sila si Joavan.
Kun tanos pa ang testimoniya sa mga testigo, makarason pa kaha ang huwes sa iyang pagtugot nga makapiyansa sila ni Joavan?
Ang ako, manghinaut ko nga molampos ang prosecution niining maong kaso kay pirme lang makalusot si Joavan sa iyang mga kaso.
Salamat nga miklaro si Rubia sa akong interview niadtong Lunes sa gabii nga wala sila mahulga ug wala sila magpagawong kay wala sila?y gipangayo nga tabang sa City Hall sa Talisay alang sa ilang opisina.
* * *
Makapa-isa kaayo sa kilay ang gibuhiang pamahayag ni Cebu City Mayor Tomas Osmeña niadtong Lunes nga siya miingon nga dili niya igsapayan nga illegal ang mga tinda ug walay business permit basta ang importante nga mobayad lang ug buhis.
With all due respect, bilib man ko ug reasoning power ni Mayor Tom, pero sa klase?ng pamahayag, akong nakita ang iyang pagka-iresponsable.
Patuga siya?g panaway sa mga pamahayag ni Vice Mayor Michael Rama apan otro siya?ng wala magbantay kun unsay mga implikasyon sa iyang pagpasagad ug tabi.
Unsa may buot ipasabot ni Mayor Tom sa iyang pamahayag? Dili niya gukdon ang mga druglords ug gambling lords taliwala nga illegal ang kalihukan basta ang importante mobayad lang ug buhis? Iyang tugutan ang mga aborsiyonista nga maka-operate pagka-ngan nga mobayad lang ug buhis?
* * *
Siyaro?g wala pa makasabot si Vice Mayor Michael Rama niining mga pronouncement karon ni Mayor Tomas Osmeña sa pagpangandam sa Bando Osmeña ? Pundok Kauswagan (BO-PK) sa umaabot eleksiyon.
Kining estelo karon ni Mayor Tom sa iyang mga kaalyado sa BO-PK susama kini sa duwa nga dama nga pilde gana.
Dili ko motoo nga wala sugo-a ni Mayor Tom ang 56 ka mga kapitan nga miduso ug manifesto kaniya nga nag-endorso kang First Lady Margot Osmeña isip maoy standard bearer sa BO-PK.
Ingon ani kaha ka-isog ug walay kaikog ngadto ni Rama ang mga kapitan nga mibuko-buko sa ilang kauban kun walay bendisyon ni Tomas?
Usa sa mga nagpasiugda sa manifesto mao si Talamban barangay captain Alvin Arcilla kinsa miingon nga ang angay?ng daganan ni Rama mao ang pagka-kongresista sa Cebu City South District.
Apan karong bag-o, namahayag si Mayor Tom nga sila ra?ng mga Osmeña ang makapilde sa pagka-kongresista sa South District kang Jonathan Guardo nga dugay na?ng nangandam.
Nagpasabot na kini nga wala gyu?y shansa si Rama sa BOPK.
Ang nakaporke kay napagan intawon kadtong mga konsehal nga nangambisyon sama nila?ng City Councilors Gerry Carillo ug Bebot Abellanosa ug ang ilang gi-float nga pangan nga si Press Secretary Cerge Remonde alang sa habagatang bahin sa Siudad.
Akong tambag ni Rama mas maayong maghinay-hinay siya?g palayo sa mga tawo?ng traydor ug iyang idiga ang iyang intention paglansar pagka-mayor bisag Margot maoy kontra aron makuha pa niya ang simpatiya sa kinabag-an samtang gidaug-daug siya niining mga tungura.
* * *
Nakadayeg ko sa memorandum ni Provincial Administrator Eduardo Habin nga nagsubli sa kamanduan ni Gov. Gwendolyn Garcia ngadto sa mga kawani ug mga opisyales sa Kapitolyo nga gidili gyud ang pagdala sa mga anak diha sa ilang tagsa-tagsa ka opisina.
Alang nako, dili gyud maayo kay maapektahan ang serbisyo publiko tungod kay ang kawani nga magdala ug anak dili naman maka-focus sa trabaho kay bisa?g nagtrabaho nagbantay ug apil sa bata.
Gi-reiterate ni Mr. Habin ang pagpatuman sa memorandum kay dunay suwat reklamo nga nadawat niya nga matud pa dunay mga Capitol employees diha sa Provincial Legal Office ug sa bids and awards committee (BAC) nga ang mga bata mag-standby hangtod sa hapon unya apektado ang trabaho kay inay gamiton ang computer sa trabaho apan paduwaan naman sa mga bata.
Pero mas maayong tan-awon ang laing aspeto ni?ng maong problema.
Tingali napugos ang mga kawani pagdala sa ilang mga anak kay wala na magmantinir ug katabang sa panimalay gumikan sa kalisod ug sa kagamay ug suweldo.
Maayo sab tingali?ng hatagan ug pagtagad kini?ng maong aspetoha.
Maayo sab tingali?ng tun-an sa komitiba ni kagawad Agnes Magpale nga magbutang ug playground diha sa Kapitolyo alang sa mga bata nga anha nalang magpaabot sa ilang mga ginikanan aron dili makabalda sa trabaho.
Akong tan-aw, dili man seguro ni lisud himoon nga child-friendly ang atong mga kadagkuan sa provincial government.
Dili pa man tuod makabutar ang mga bata, apan maka-giya kini sa mga ginikanan kun kinsay ilang paborito. Ug di sab seguro kalikayan nga inig ka dagko niining mga bata-a, mahinumdum sa nagpakabana sa ilang mga katungod.
