Quantcast
Home » Cebu Daily News » Opinion
Super Hirit

Wala pa motagam ang mga fixer sa korte

First Posted 13:50:00 03/02/2009

  • Reprint this article
  • Send as an e-mail
  • Post a comment
  • Share
Advertisement

Nagpanglingo-lingo ko sa gibutyag ni Judge Gabriel Ingles, tigpamaba sa Palace of Justice, atul sa among programa nga ?Dialogue on the Air? sa dySS niadtong Sabado kay duna gihapoy tulo ka mga court personnel nga mga fixer og kasal diha sa korte. Wala gyud sila motagam taliwa nga dunay mga huwes nga gipangsuspenso sa Korte Suprema tungod sa marriage scam?

Matud pa, dili na dalhon diha sa Palace of Justice ang mga magpakasal kun dili adto kaslon sa pastor, nga unang ipaila sa magpakasal ang pastor nga usa ka huwes. Matud ni Judge Ingles nga dunay tinuod nga huwes nga dangpan sa mga fixers gawas sa pastor.

Nasumpay kining maong isyu sa gitribukar ni Cebu City Local Civil Registrar Atty. Evangeline Abatayo atul niadtong among special edition sa Valentines? Day nga dunay pastor nga iyang gireklamo sa National Statistics Office (NSO) kay mokasal bisag dili niya mga sakop sa simbahan.

Matud pa ni Judge Ingles nga apil na sa scam diha sa korte nga makasal gihapon ang mga babayeng minor de edad sa uyab nga foreigner kay mogamit og laing birth certificate sa laing tawo. Sila si Judge Ingles, RTC Executive Judge Mienrado Paredes ug Judge Geraldine Econg nagtinguha nga ilang ipa-entrap kining maong mga court personnel nga nakadaut sa imahin sa judiciary.

* * *

Congratulations sa tanang bag-ong napili nga mga opisyales sa Integrated Bar of the Philippines (IBP) Cebu City ug Cebu Province chapters. Si Atty. Michael Yu maoy bag-ong presidente sa IBP Cebu City samtang si Atty. Ramsey Quijano sa Cebu Province.

Nakadayeg kaayo ko sa gipatuman nila ni Judge Paredes nga wala nila tuguti ang mga abogado nga mag-inom sud sa premises sa Kapitolyo ug sa Palace of Justice niadtong Sabado atul sa eleksyon kay hapsay kaayong paminawon. Sukwahi ang atmosphere niadtong miaging eleksiyon kay dunay mga abogado nga nagmauy tungod sa kahubog. Niadtong Sabado, akong nakita nga dunay pipila ka mga abogado nga namula ang tapay ug klarong nakainom apan kontrolado.

Maglaum ko nga niining liderato ni Atty. Yu iyang mapadayon ang mga maayong programa sa IBP ug mapatuman ang profile taking sa mga judges.

* * *

Dakung garbo ug gikalipay kaayo nako ang among nadawat nga recognition sa 1st Inday Nita Cortes-Daluz Freedom Award. Ang among programa kaniadtu nga ?Barangayan? sa dySS, diin ako maoy host, usa sa mga gihatagan og special citation sa mga nagpasiugda nga gipanguluhan ni Compostela Mayor Ritchie Wagas.

Akong i-share kining maong recognition sa akong mga kauban sa sibyaanan ug mga kadagkuan nga sila si Ma?am Susan Perez Alio ug kang Sir Bobby Nalzaro, nga usa sab sa mga awardees, kay sila maoy instrumento kun nganong nahimugso kadtong maong programa nga adto gyud magmanukad ang sibya sa mga barangay nga among duawon uban sa mga residente nga mangreklamo sa ilang mga opisyales sa barangay.

Apil nakong pasalamatan ang akong mga kauban sa GMA-7 Balitang Bisdak kay kanunay silang misuporta sa maong programa. Ako sang i-share kining maong award sa akong mga co-anchors nga sila si Super Jun Veliganio, Atty. Fritz ?Abogado ng Bayan? Quianola ug sa akong kompareng Noel Rafols sa NSO, kay sila maoy manubag sa mga punto legal ug sa mga sayop sa birth records.

Lakip sa akong pasalamatan mao ang atong mga barangay officials sa Metro Cebu ug ingon man ang atong kapulisan nga naghatag og protection ug maoy nangibot sa mga video karera machines kutob sa ireklamo sa mga residente.

Tungod kay dili nako mapasa-pasa ang plaque of recognition kay mahadlok ko nga mabuak, ako na lang kopyahon ang text sa award. Mao kini:

?The Inday Nita Cortes-Daluz Freedom Award is given to: Barangayan-Lloyd Suarez-DYSS in recognition of the exemplary and meritorious service as special program ? local government. The weekly radio program brings governance to the grassroots. It highlights community problems and presents the consensual nature of their solutions, all live and on air. The best manifestation of people empowerment, the program inculcates the concept of local autonomy into the political landscape. The host consistently steers the discussion in a competent manner and serves as link between those who govern and the governed.?

Again, salamat kaayo nilang mayor Wagas, Elizer Pepito, Rolly Chica, kanhi mayor Gilbert Wagas ug sa tanang nagpaluyo kay pinaagi sa maong kalihukan malab-as pagbalik ang mga mithi ug prinsipyo ni Inday Nita, kinsa nanlimbasog sa kagawasan niadtong diktadoryang pangagamhanan.


blog comments powered by Disqus

  • Print this article
  • Send as an e-mail
  • Most Read RSS
  • Share
© Copyright 2014 INQUIRER.net. All rights reserved. This material may not be published, broadcast, rewritten or redistributed.